విజయనగరం: ఘోర రోడ్డు ప్రమాదం.. ముగ్గురి మృతి

సాక్షి, విజయనగరం: మండలంలోని చెల్లూరు హైవేపై సోమవారం రాత్రి ఘోర రోడ్డు ప్రమాదం జరిగింది. అనకాపల్లి జిల్లా పద్మనాభం మండల కేంద్రానికి చెందిన 16 మంది రాయగడ మజ్జిగౌరమ్మ దర్శనానికి బొలెరో వాహనంలో వెళ్తుండగా విశాఖ నుంచి వస్తున్న ఓ లారీ చెల్లూరు వద్ద వెనక నుంచి బలంగా బొలెరోను ఢీకొట్టింది.

ఈ దుర్ఘటనలో అక్కడక్కడే ముగ్గురు దుర్మరణం చెందగా మరో 10 మందికి తీవ్రగాయా­లయ్యా­యి. మృతుల్లో చింతపల్లి రాంబాబు (50), మజ్జి నారాయణరావు(50), బొత్స మోహన్‌నాయుడు(8) ఉన్నారు. పోలీసులు హుటాహుటిన ఘటనా స్థలానికి చేరుకుని, క్షతగాత్రులను విజయనగరం సర్వజన ఆస్పత్రికి పోలీసుల వాహనంలో తరలించారు. లారీ డ్రైవరు పరారీలో ఉన్నాడు.